L’apparenza inganna. Commedia siciliana in due atti

Protagonisti:

• il padre:  Fortunato  Mastronzo
• moglie:   Santa Pazienza
• i figli: Felice, Pia, Franco
• la madre: Crocifissa di Dio
• sorella della moglie: Vera Pazienza
• Il cognato della moglie: massimo Ingegno.
• Coppia di amici: Guido Di Rado e Nella Nebbia.
• Cassiere supermercato: Licenziato Assunto

Il sig. Fortunato è un impiegato dalle velleità artistiche di vario tipo, riuscite  con soddisfazione di personale creatività,  che per il poco tempo a disposizione, sia per impegni familiari, che di lavoro,  oltre per motivi economici, non è mai riuscito ad emergere come meriterebbe e sempre deriso e mai preso sul serio dalla sua famiglia.

Lo stipendio precedentemente dignitoso,  è stato gradatamente corroso come potere d’acquisto, sia dall’entrata dell’euro, e successivamente dalla crisi generale, quindi risultato sempre più insufficiente alle necessità familiari. Il problema è che lui, non riesce a dire di no, sia alle richieste dei figli che della moglie, i quali sono convinti che tutto proceda come sempre, e pure con gli amici e parenti, non vuole e deve far capire come stanno realmente le cose. La moglie e i figli pensano che lui,  sia tirchio ed egoista e spenda i soldi per  le sue attività artistiche e fa capire che non ci arriva per la crisi, mentre i parenti e amici pensano che sia diventato vecchio e non vuole muoversi ne mostrarsi in pubblico, accettando inviti fuori o fare viaggi. Lui solo sa lo stress che ha e gli sforzi fatti, acciacchi compresi dell’età, nel sostenere quotidianamente tutte le prove che gli si presentano man mano, ed accettare suo malgrado qualche invito fuori, per non far malignare nessuno. Debiti su debiti, prestiti su prestiti, riesce comunque a superare le varie prove, finché finalmente, la fortuna gli sorride e riesce a sistemare ogni cosa con una insperata vincita al lotto, ritornando alla vita, ottenendo anche successi e riconoscimenti, come lui realmente ha sempre sognato e fatto prima di sposarsi, cioè viaggiare, divertirsi, spendere e vivere serenamente la vecchiaia insieme alla moglie, vedendo sistemati i suoi figli.

 

I Atto

Un giorno di mezza settimana, Fortunato finisce di lavorare e riceve la solita telefonata dalla moglie:

-“Pronto, ah, tu si, dimmi! Aspetta, nun curriri ca mi scrivo i cosi, sannunca mi scordu! U pani, caffè,  a carni.. chi è ca ricisti? Balsamo na scatola gialla? E comu si chiama, appo ina accau nautru e non ci piaci! A cunusciu a to figghia, è fina comu a tia! A poi si mette l’autru na non quagghia, ogni tanto mi preoccupa, ca usa macari iddu sti cremi sti balsami shampi particulari! Ma u capiti ca i soddi non abbastano chiu? Ma poi chi capiddi tagghiati corti da un latu e longhi dall’autru latu, ca pari nu scippaturi di librino, ca sinni a fari di sti cosi? Ah, i carusi oggi stilano accussi? Mha beati iddi! Se non fussi, ca u visti con beddi carusiddi, avissi pinsato macari mali, piffortuna iè figghio me e nun ci persi pilo! Va bo staiu arrivannu! Ah? Che dici, macari a farmacia aiu appassari? Mii non se ne po’ chiui di sti medicinali, acciacchi e casini vari..nun ci arrivoo! Ci vediamo a casa ciao!

<Inchia, comu aia affari? No portafogghiu aiu solu 30 euro, u cuntu è sutta, quindi u bancumatti mancu u nesciu, speriamo ca ci restau qualcosa na carta i credito. Inchia, nun avi mancu sei misi ca rifici u prestito, pi paiari e copriri l’autri carti i credito, a motu di Francu do meccanico, l’assicurazione da machina di Felice. Iddu è felice, io no, e meno mali ca mi chiamo fortunato, sannunca.

Non passano cinque minuti, che risquilla il cellulare-“ pronto, che vvoi macari tu, già chiamau a mamma poco fa! Che dici, t’accattari i scarpi di calcio novi, jeans e felpe? Vabbè poi aspittari qualche giorno? Sabato iemu assieme o centro commerciale, prima devo vedere delle cose, va beni o papà? Ciao ciao, ni virremo a casa stasira!

<Mizzica, è na cosa continua, ma che ci pari ca i stampu i soldi iù? Si sugnu bravo a fotografare e mi stampo iù i fotografie, ma non i soddi! Ca m’affari attaccari? E che si misinu na testa?>

Nuovamente la musica del cellulare che si fa sentire. <uffa sto cellulari ca sona sempri> -“ Au ca vi mittistuvu d’accordu, tutti pari assieme? E tu che voi, sentiamo! A me machina? Ma non hai a to, ca ci pavai frisca l’assicurazione? Ah,cettu, a me è a gasolio e consuma meno! Però ti piaci quannu nesci ca to ca si scappotta tutta, ca pari n’americanu in vacanza! Na to manca a benzina e s’accangiari l’olio? Ok si si si, ok, va bene, ta poi purtari a me machina, però è a siccu macari chidda! Accucchiti i soldi chi to amici e nisciti! Nu mi chiamari ca restasti a siccu, perché ti rugnu i supra appena vegnu! Se vo nesciri ca me machina ciaviti metteri u gasolio, sannunca nisciti peri! Siamo intesi e iti piano, ca iè ancora nova!

<Miizzica, quanu u stutu, picchi a quarta chiamata na vogghiu aviri>.

-“Ohh, Guido, ciao ampari comu stai? Io bene, eh si tira avanti come si può! Sta crisi  colpiu tutti, tranne a tia, viru! Vesti alla moda, rolex, bella bmw, e sta bella signora è tua moglie?

 

Guido:  -“ ah si scusa, non te l’ho ancora presentata: Nella Nebbia!

Fortunato: -“Onorato, ma comu si chiama? Na nebbia cosa? Che ci trasi a nebbia uora?

Guido: -“Ma no non c’entra nulla la nebbia! Nella Nebbia è lei: si chiama Nella di nome e Nebbia di cognome! Sempre spiritoso,ca  battuta pronta, facendo finta di non capire!-

Fortunato: -“ Ah si certo, come no! tu però i battuti i  crei na vita: ti chiami Guido di Rado, a cui ti potevi pigghiari per mugghieri?Nella Nebbia ! Guido di Rado Nella Nebbia! Ahahaha e bravo Guido, complimenti signora, una coppia azzeccatissima e pure bella, felice ricca! Stai attento però, prima ca ti fai male na nebbia, nun ci viri, ca c’è nebbia, e ti sorprende cu na bedda carusa tra le braccia ei ti rumpi i corna! Ca nu sapi ca si tostuceddu?

Guido: -“ Shh, non farti sentire, ca intisa l’avi bona!E tu Fortunato , che mi cunti, sono mesi che non ni virremu, se non anni, dall’ultimo viaggio fatto insieme tanti anni orsono! Ti riuordi la settimana bianca fatta insieme? E Santina, come stà? I carusi? Felice, Pia, Franco!Unni  a stato ultimamente?

Fortunato: ca  taccuntari u frati, i tempi si ficinu sempri chiù tristi, quali viaggi, quali cosi! Prima i figghi erunu picciridi, custava meno partiri, avia chiù soddi, e na pcu di capricci ni putemu passari! Uora su ranni e con nuatri non volunu partirti, chiui, e menu mali! A ranni sturi api fari a professoressa, Felice iè felici di nun fari nenti! Sturia, si co so comodo e non iau capitu che voli fari na vita! Avi a testa no palluni e ni carusi!Infatti  iè felice,fa a vita d’albergo:trasi, nesci, mangia a orai strani e cu ci rici cosa! Tuttu so nonno, infatti si chiama comu iddu e si comporta come faceva iddu!  E u nicu, pigghiu a strada di so frati!Scola ni mangia poco e pinsa macari iddu o palluni e a fare sautari a iatta! A mia mi restau di fare u sautabancu, per accuntentari a famigghia! Non ne possu chiui, debiti su debiti, e a fine misi nin ci arrivu chiù u stissu da tempo!

Guido: -“ ma dai che midi dici, sempre a chiantari lamenti tu! Pari ca nu sacciu ca ta passi bonu, macqri tu! Du casi  a mari a trizza, na bedda casa o canalicchio con panorama, du machini, du moto, a barca!Iè veru u dettu:lamentati pi stari bonu!

-Fortunato:-“Eh si comu rici tu! Talia come sugnu vestutu iu e taliati tu, che machina aiu iu e con che machina cammini tu! A stissa cosa preciso! A quali barca e quali casi a trizza, pari ca su i me i casi! A barca nun l’aiu chiù da tempo e partu solu con me mugghieri , na vota l’anno in economia e stritti stritti, senza sinniri chiù do dovutu, pi mangiari, e u beb, autru che albergo! Eh caru mia, non è chiù chiddu ca si vireva prima, i tempi ora su tristi tristi davvero!

Guido:-“ Mha ca voi ca ti rica, auguri e spero ca prossima vota mi  cuntii cosi chiù belle e virirti chiù sereno e tranquillo! Veni fatti abbracciari e non ti pedderi, fatti sentere ogni tanto!

Fortunato: -“Ca speramu! Macari tu non ti peddere, uora ca si nda Nebbia, anzi venici a trovari, cosi ci a fai cunusciri a Santina e ai carusi! Ciao ciao, ni virremu.

<Au, ca si misuno na testa cristiani? A a vita è tutta uguali pi tutti? Tanto iddi su liberi professionisti! aumenta l’iva,a benzina? E che ci ni futti a iddi, pigghia e aumentano i fatturi e parcelle escaricano sull’autri tutti i spisi!Au e su cani can un canusciunu patruni! Macari con gli amici, aumentano ancora chiù assai u prezzu, e poi ti fanu a parti ca ti rispettano, facendoti u scunti! Alla fine ci paiasti chiddu ca vulevuni iddi u stissu! E nuiatri impieghiati, chiddu pigghiamu e l’amu fari bastari, e chiù assai aumentano le cose, chiù assai aumenta a differenza can nun ci si arriva, picchi a noi u stipendio na aumenta mai, per combattere u caro vita e alliccamu a sarda! Solu ca uora, alliccannu alliccannu, si spaddau a lingua e a sadda macari! Nun ciarrestau chiu manco l’occhi pi chiangiri! Amu risparmiari macari pi lacrimi. Avanti, virremu c’ama accattari: u pani, a farina pa pizza, a carni, prosciutto, latti, e u balsamo pi i principessini masculu e fimmina! Mensa mai c’arrizano i capiddi e nun ponu nesciri! Iè nun nesciunu e arrisparmiamo tutti! A mia m’arrizzanu i carni solu u pinseri di paiari.

Cassiera supermercato: -“43 euro e 50 centensimi!

Fortunato:-“Sintissi, qua ci su 20 euro, a differenza provi ca carta i credito, sperando ca ci sia qualcosa ancora!

Cassiera: -“Va bene! Signore, disponibilità insufficiente, ha contanti?

Fortunato: -“ Mutaaa che vanniii! T’affari sentiri dall’autri? Virremu ora se m’affari fari malu cumparsa davanti a tutti!Ho altri dieci euro, ca mi servivano pi fari benzina, tenga, speriamo ca na arrestu a peri! Riprovi ca carta per di meno e speramu bene, e nun vanniassi, signora, ca a fazzu licenziari e assumiri chiui!

Cassiera: Ca fa, sfutti macari? Mi chiamu accussi, ca ci possu fari: Assunta Licenziata, amu ringrasziari i nostri genituri, quannu ienu a dichiararici! Picchi, lei comu si chiama, viremu?

Fortunato: Iù, e picchi voli sapiri u me nomu? Ci fazzu simpatia e vole darimi n’appuntamento pi nesciri insemi? Fortunato Mastronzo, piacere!

Cassiera: Appuntu c’azziccau so pactri, a chiamarlu accussi! E’ fortunato, ca nun chiamo a sicurezza per molestie, Mastronzo pin nun farisi i fattii so!Bene, mi dia pure la carta per scaricare  i punti! Vistu? Iè macari fortunato cà! ha  i punti sufficienti per venti euro di sconto! Ne vuole usufruire?

Fortunato: – E mu dumanna? Certo ca si, appunto, Fortunato di nome, e ogni tanto, di fatto, pi fortuna, Mastronzo  quannu ci voli! Almeno na arresto a peri e posso metterci a benzina na machina! Grazie buon giorno!

 

————-

 

A casa

Fortunato: Santina, arrivai! Spero di nun essermi scurdato nenti! Non ti scomodari, ibbessu iù no frigorifero! Ca si mangia a stasira? <Sempre sperando ca si mangia, ovviamente>

Santa: Che dicisti? Ti poi fari n’ovu, iù nun cucinu stasira, sugnu stanca! I carusi su fora, unu avi na festa e l’autru avi a partita e torna taddu! Pia avi a so insalata e frutta! Dici ca a stari a dieta! To ma sa sbrurugghia idda ciò ca voli mangiari sa cucina! Chi si misi na testa, ca sugnu a so cammarera?

Fortunato:<E ti pareva! E chi vi rissi iù! sta casa addivintau n’albergo, cu trasi cu sta fora, cu mangia, cu nun mangia! Perù ca mi pari chiù assai na putia ca n’albergo! Almeno li sugnu servitu e riveritu e m’addumannano : signore cosa desidera per cena, per pranzo, che vino vuole che le apriamo? Ca se n’addummannu iù, ca si mangia, mancu si preoccupanu se campu o meno e chi mangiari un poveru cristu stancu dopu na iunnata di travagghiu>-“ Va bene, cara nun ti stancari, mu fazu a modo me! Tu che mangi? Di mangiari mangi no, o fai a dieta macari tu, come a to figghia?

Santa:-“ Mi fici un panino e mu staiu mangiannu a lettu, davanti a televisione! Nun ci mettiri troppu sali e uogghiu ni l’ova, ca u dutturi ti rissi ca ti fa mali pà pressioni! Appoi ti po mangiari tanticchia di frutta! Macari tu si a dieta e non tuccari a nutella ca me n’ accoggiu!

Fortunato: Tu che hai ca mi talii accussi! U mangiari tu misi, vo mangia và! Voi l’ova macari tu? Fussi pittia tutti cosi ti calassi! Muta non abbaiari, u capì, aspetta ti rugnu un pezzettino di pancetta! Questa è estorsione, però macari i cani hanno un prezzo, pi fortuna ca tu ti fai accattari con picca! Tiè nautru pezzuddu, uora vattinni a mangiari i to croccantini! Quannu s’aritira Felici, fa felici macari a tia ca ti porta fora tardu e a mia ca tu domattina nun mi rumpi i scatuli per n’escere fora prestu! Domani iè sabatu e vogghiu fari i cosi con calma!”.

 

L’indomani…

 

Santa: -“Cà fari a stamatina? Ma l’assari venti euro ca vene a parucchiera, to figghia voli iri o centru commerciale!Dici ca voli fari shopping e forse vole veneri macari Felici, ca s’accattari i felpi e jeans!

Fortunato: -“Nun è picchì ti chiami Santa, m’addari a santa iurnata di capu mattina, dandumi sti belli notizie? Viri ca ieri sira mi finiu l’inchiostro e non potti stampari i banconoti!

Santa:-“ Mi chiamu Santa Pazienza, picchi cu ttia ce ne voli assai! Fai chiu picca u spiritusu cummia! Spinni chiu picca pi to cosi e pensa chiu assai a famigghia, inveci! I carusi su a nura e iù m’affari u culuri, picchi i capiddi m’addivintanu ianchi!

Fortunato: -“ i me su investimenti e se riescu a tirari avanti u carrettu, iè picchi riescu a racimolare qualcosa extra chi mi cosi! Appoi c’è cauru, è ovvio ca stannu a nura! Iù non mi tingii mai e mi tegnu accussi! E Poi cara sei chiù bella cosi al naturale e mi piaci chiù assai, specie quannu nun m’addomanni soddi!

Santa:-“ummm, megghiu ca ti levi dall’occhi me, talia!

Pia:-“ papi si prontu? Poi inizia a confusioni e nun trovu chiù nenti! Dai, ca si fici tardu!

Francu:-“ A babbo, aiu mettere a benzina na motu, mi runi 5 euro, annuncu nu ci arrivu a scola?

Fortunato:-“ Au, babbu ciù rici a to frati, cerca di purtarimi rispettu, mi sentisti? Picchì nun m’acchiamari papà, comu tutti l’autri carusi? Ca ti dispiacissi, accussì ahi a scusa pi caliaritilla n’autra vota! Inveci di iri peri peri a cazziggiari, t’arisparmi a benzina pi iri a scola! Cinqu di ca, venti di dà, spisi di ca, di dà! Bella iurnata cominciau a stamattina! Mi chiamo Fortunato di nome e di fattu: haiu na bedda famigghia, comprensiva, collaboratrice, mizzica, appena fazzu na cosa pi mmia, tutti ca mi tirano addosso, ca spennu soddi! Ma iu faticu na simana, mentalmente e fisicamente, per riuscire a soddisfare i vostri esigenze!

Santa:-“Na fari brurusa, e pigghia i soddi ca teni ammucciati pi to cosi! Pari nu sacciu ca t’immucci in qualche parte da casa e chiangi sempre lamenti! Noi semu a to famigghia e prima vengono i to figghi, poi iù e in ultimo tu! Accussì è a vita, ca nu sai?

Fortunato:-“na fazzu brurusa,  u sai ca i carusi pi mia,venunu prima di ogni cosa e magari tu!però non ma scassari ciricoppoli, controllando chiddu ca fazzu, quannu spennu, facendumi passari po mostru, tirchiu e malapadri, ca nun pensa a so famigghia! Ci pensi, rifletti ogni tanto a chiddu ca mi rici? Tu ti poi offenniri, quann mi scappa na parola supecchiu o un pinseri, io no, io m’astari mutu, aiu suppurtari tutto e tutti! E meno mali ca si tu a chiamariti Santa Pacienza! Mi sa ca ma calamitasti a mia e tu te ne si spossessata!

Santa:-“ Viri? Mmacari a pazienza ti pigghiasti, menu mali ca ci nnaiu pi mia e pi tia! Santa verità, quannu mo patri mi iu a dichiarari!

Fortunato: -Carusi siti pronti? Ammuninni ca iè megghiu, prima m’acchiana a pressioni! Ca già nun sacciu come uò finisci oggi, con sti soddi  di n’inescere!

Santa:-“ E megghiu iè, tantu chidda sula t’arrestau  ca  t’acchiana! nu ti scurdari u pani e viri s’attrovi un pocu i pisci!

 

Al ritorno….

Pia:-“Mamma,talia ca m’accattai! Anche Franco e Felice hanno trovato chiddu ca cercavano!

Santa: -“U papà ca s’accattau? Ci facisti accattari du cammisi e na para di pantaloni pi iri all’ufficiu? Che pisci accattastuvu? “

Fortunato:-“Non m’accattai nenti, perché o si mangiava oggi, oppuri n’ava accuntentari mancu i carusi, pi cosi ca ci sirvevanu! U capisci ca soddi nun cinè!Amu e aviti risparmiari? I tempi stringenu boni!Iù mi stancai di farimi caricu di stu pisu e voi fate a bella vita, crirennu ca tuttu procede beni,come sempre! Noni, è finita, i sentiti i telegiornali, di sta crisi, ca colpiu a tutti? E pure a nuatri colpiù! Se vulemu continuari a mangiari e vesteri, amu affari nu pocu di formiche!

Madre e figli insieme: -“ Papà, fortunatu , ma chi stai ricennu? I formichi, che ci trasunu i furmiculi uora! N’amu mangiari i furmiculi? ( conslcuse con la domanda Franco)

Fortunato:-“Ma no, che capistuvu, n’amu mangiari i formiculi! Nel senso c’amu agghiesseri chiù parsimoniosi, ponderati nelle spese! Per esempio, si nesci quannu si po’, e si risparmia a benzina, no ogni sira!Iù e vostra matri avi can un niscemi pi pigghiari na pizza oiri o cinema ca nu scuddamu macari comu iè fattu! Pazienza,vi chiedo solo tanticchia di collaborazione! Voi u sapiti, non vi rissi mai di no, e fici di tuttu pi accuntentarivi tutti sempri! Ora nun ca fazzu chiù e scervellarmi come dividere in 10 parti l’euru! Sugnu impiegato e u me stipendiu iè fermu da anni, mentre i signori professionisti s’aumentano i parcelli comu e quannu volunu! Mi dispiaci s ei vostri amici, cumpagni di scola sa passunu megghiu e vi vergognate da vita ca fati!

Santa –“Chiù assai da vita ca fanu sti carusi e nuatri, camu astringiri chiù assai? Certu tu ta preservari i soddi pi to capricci, pi to hobby, certu can nun t’abbastunu mai! Comincia tu pi prima a spinniri chiù picca soddi pi to cosi!

Pia: – E’ vero papà, mamma ha ragione, tu pi to cosi però ti speni i soddi e poi veni a diri a noi, di stringiri ancora?Nun  t’addumannamu chiù assai da paghetta ca ni runi, picchi racimulamo qualcosa un po’ de zii e un po’ da nonna!

Franco: -E a sira nun niscemu ca moto o ca machina, se non pi iri a fari i partiti di calcio! Spesso ni venunu a pigghiari e contribuiamo na benzina con qualche spicciolo!

Felici:-“ Babbo, puri pimmia è accussi e poi io devu sturiari, mi manca pocu pa laurea! Se mi mettu magari a lavurari, vaiu fori corso!

Fortunato:-  Non v Tu asturiari? Quanti anni hai, to soru a to età era magari specializzata e qualche rattuddezzu su ieva a fari, ed ebbi macari u massimo dei voti!       E mi veni a diri ca nesci fora corsu? Iè torna parino   e sciuscia! ti rissi ca babbu nun ma chiamari, ca mi sapi di pigghiata pi fissa e fissa nun sugnu,ne capemu? U sacciu ca v’aiutano i zii e a nonna! Se vuliti sapirla tutta para, macari iu mi fazzu aiutari forzatamente da poveretta de me matri. Na vota pi tutti, vi ricu ca chiddu ca fazzu iù, nun è spenniri i soddi ma investirli! Iù, creo, mi sto creando n’alternativa pi guadagnari soddi oltre u stipenniu ed iè grazie ai mi hobby ca stamu putennu mangiari e vestiri, e voi, farivi i pattiti di calcio, aviri tutti i comodità a casa d’elettrodomestici eccetera, pin un parlari dei viaggi! Fici presti su presti pi continuarivi a fari na vita agiata! Ma iè grazie macari sia chi mi hobby ca a pensione di da poveredda di me matri! Nu sunu soddi a perdiri, ce l’atturnari prima o poi, chiu assai poi ,ca prima, però! Ma su debiti ca fici, picchì a vita cangiau grazie o nostru governu e a a cu si mangiau i soddi! Susgnu speranzoso e prima o poi finirà stu malutempu, rivredemo il sole!

Santa:-“Va bene, va bene, lassamu pirdiri ca iè megghiu! Cu di speranza campa, di spiranza mori, vogghiu viriri quannu cià finisci di fare u sognatori e e scinniri dalle nuvoli supra a terra!Semu a tavola, lavati i manu!

Fortunato:-“ Sempre ottimista tu! Quannu finirai di fari a cucca e di vinirimi sempri contru! Si deve cririri ai sogni, affinchè s’avverinu! All’autri ci capitau, picchi na capitari pure anuatri, ca semu brava genti, facemu beneficenza anche senza aviri i possibilità! U Signuri ni darà merito e come rici sempre tu, nu paia mai di sabatu, ma quannu prima te l’aspetti, a sorpresa!Avanti mangiamu adesso e ringraziamu Diu, ca ni runa sta grazia pa ccomora..

Crocifissa(madre): -Fortunato, veni ca a mamma, ca t’aia diri na cosa! Na me stanza!

Fortunato: -<“Eccu u sapia, ca prima o poi s’accurgeva! E che ci ricu uora?> Si Mamma, arrivo.

Crocifissa:- Ca sta succerennu, iù nu capisciu, mi mancano un sacco i soddi, tu ni sai cosa? Dimmillu, picchì mi stava pigghiannu u colpo!

Fortunato: -“Mamma purtroppo iu nun ci staiu arrivannu chiui, oltre a purtariti i soddi da pensione, ho avuto bisogno, pi soddisfari  isigenze da famigghia! I carusi crisciunu, vistiti, tasse, libri,assicurazioni di machini, insomma u sai, tutti cosi necessarie quotidiane! Ma ti tornu, u sai ca già ci vaiu mittennu, man mano ca mi trasunu!

Crocifissa: -Si, ci ni metti  mille e poi ti tonni a pigghi chiù assai! Accussi unni amu arrivari? Iu nun c’ià fassu chiu, di stu passu! Ati stringiri, partiti chiù picca, accattati robi chiù picca e tiniti luci spinti da casa, i compute addumati sempri, e i televisori! Comu aiutu a tia aiutari macari a to soru, a pavari cosi arritrati, tassi macari iu, figghiu mio, nun se po’, nun se po’!

Fortunato –“Mamma, hai ragiuni, tutti pari l’avemu, e na facenu arrustuta, u sacciu! Cu  sta crisi, finemu sutta l’archi da marina, se nu si attrova na soluzioni! Iu fici troppi debiti, pin un piggiariti soddi, ma arrivai u puntu, can un cià stai facennu chiu! Uora  ti possu diri mamma, macari u lavoru a rischiu ci vuleva! A mia ca mi manca picca pi irimminni in pensione, manu  a fari stari macari cu stu pinseri!

Crocifissa-“ Se nun c’era iù, a me pensione, cu risolvevi i to cosi? Unni i pigghiavi i soddi?

Fortunato-“ Nu sacciu, in qualche modo avrei fatto, cosi come mi sto adoperando per uscire da sta situazione! M’avissi vinnutu qualcosa di oro, la macchina, qualche mio strumento, minni issi iutu a fari qualche altro lavoro di sira, oppure a prostituirmi ! Ca voi ca ti rica, nu viri come sugnu disperatu? Ti pari can un ci pensu iù, o mi viri stari serenu chi mano ni mano? Accussì sta girannu, ma se uora fa bruttu tempu, prima o poi a tornari u suli, na nostra vita, no? Chista iè a vera crisi, ca tutti parlavano e finchè si stava discretamente, nuddu ci pinsava, finchè nun ni truvamu tutti pari, cu culu pi terra, e mancu i soddi pi mittirici i pezzi nu culu, sempre peggiu! Ora m’ascusari, ma aia nesciri, ca aiu spicciari delle cose! A dopo!

Crocifissa:- vabbe vabbè vottinni, sempri i stissi cosi mi rici, ma mai ca si viri lustru, su chistu hai ragiuni! Chissà come ni vo finisci a tutti pari, di sto passu!

 

Fine I Atto

*************************************************************

 

II Atto

Drin drin drin

Santa:-“iti ad apriri, ca saranno a zia Vera e u ziu Massimo.

Fortunato: A st’ura? E che vinninu a fari? Certo ca to patri ebbe bella fantasia a mettirivi i nomi, sapennu u cognomu ca purtava: Santa e Vera Pazienza! Comu si dici: Diu i fa e iddi s’accoppiano!

Pi to soru cià insittau a chiamarla Vera, cu maritu ca si pigghiau e s’accupianu bonu: Massimo Ingegno!Mizzica n’acume di cervello! Idda si c’aviri na Vera pacienza cu iddu! E parrati pi mia?

Santa:-“ Shh mutu ca trasenu e ti ponu sentiri, ca vuci ca hai! No sacciu picchi vinninu, ni volunu fari na proposta!

Fortunato:-“ Tranquilla, stavu sunannu ca chitarra, nu mi sintenu!E macari? Rissi a verità senza offinniri a nuddu! Cu sa senti, vuddiri ca avi u cavvuni vagnato! Iè poi to soru nu iè permalosa, u sapi ca scherzo, iddu è lisci, ca sa pigghia sempri!

Santa:-“Ohh, ciao che gradita sorpresa, Vera, Massimo, prego prego accomodatevi! Grazie, grazie,non vi dovevetate disturbari a puttari i dolci! Fortunato è a dieta, nun ne po’ mangiari dolci assai! Finemmo adesso di pranzari e ni stavumu pigghiannu u cafè! Aspetta ca rifazzu a cafettera!

Vera: Eravamo di passaggiu e na pinsamo nu stu mumento, di farivi visita! Grazie, si, macari pi chistu na pinsamu! Ci rissi a Massimo: ca fa, iè prestu ancora pi ritirarici a casa, semu vicini a me soru, ni facemu offriri u cafè!

Massimo: E Fortunato unnè, a portari fora u cani? Nu viru.

Santa: Ca si soddu macari tu, comu a to cugnato? Nu senti ca si sta purtanno u ciriveddu cu da chitarra? Ci stunau accusi, ca sa voli imparari, dopu ca è stato anni, senza mancu sapiri comu iera fatta! U bellu iè ca si sente chitarrista provetto! Un momento ca vo chiamo!….Fortunatooo, posala, arrivau mo soru a farici visita! Solu accussi ni fai aripusari l’aricchi a tutta a famigghia!

Fortunato: sempre tu cià mettere a to! Se mi metto a cuffia e addiventu suddu, chiù assai di chiddu ca sugnu, se nun ma metto vi runa fastidiu!Insomma tutto ciò ca fazzu iù vi disturba! Vegnu vegnu, arrivu, nun avevano autru che fari, ca venere a sto orario?

Massimo: Oh Fortunato, comu iemu! Ho sentito che ti rasti macari a chitarra, bravo! Scrivi, soni, fai teatro, unni u trovi tuttu stu tempu! iù pinsai nun ci putemu presentari a sto orario a mani voti, anche se semu da famigghia, nu mi pari giustu, macari pi carusi!

Fortunato: Bravo si viri ca t chiami Massimo Ignegnu! Certo nu né ca ni possu mangiari assai, ma ogni tanto, nu strappo alla regola se po’ fari! Ah, se nun ci foste voi, cari cugnati, nu mi ni fanno viriri chiu dolci na sta casa! Iddi però si vò mangianu fora i carusi! A Santa ogni tanto ci porto, qualcosa, accussi aiu a scusa di mangiarla macari iù, ma non più come na vota, no no.

Santa: ah quali, nun darici retta, iè imbrughiuni, s’iccatta e s’immuccia. Dice ca sa a fari a vucca duci, dopo l’amaro da pillola pa pressione. Ti vogghiu appena sa rifari l’analisi, appoi n’addivittemu, autru ca dieta. A pane e acqua u mettu.

Vera: Bello, facci sentiri come soni, forza! A sai suonare già qualcosa? Veramenti ava pinsato di passari, picchi vaffari  na proposta! Stamu organizzandu un viaggio, ca vicino, ance se a noi ni piacissi iri, in America, ma sacciu ca tu, ti scanti a fariti tanti ori di volo, allora amu pinsato ca in Europa! Che ne dite, ci vinite, avaia, forza, ogni tanto fatulu un colpo di vita, inveci di stari sempri ficcati intra. Nun costa assai e vu pavati a rate.

Fortunato: Coppi iè mazzi! Fussi ppi mia, i facissi sempri i coppi i vita, invece di fari di continuo i morti a casa. Tu u sai quannu mi piaci partiri, fari a bella vita. Na vota si putia fari, quannu  i soddi mi furiavunu assai, quannu erumu carusi. Adesso spisi di ca, scola, università, insomma, mi vinissi pisanti.

Vera:. Sempre lamenti cunt?. Ti vinni qualcosa e a porti in vacanza!Ca portala fora ogni tanto, me soru. Nu fa autru ca cucinari,  lavari a casa. Ca farla sfantasiari ogni tanto. A risposta na ddari subito, picchi poi nun se ne trovano posti, ne in albergo, ne supra l’aereo!

Santa: l’avi ammucciati i soddi, però è vero, i spisi su tanti, e forse mischinu si companaggia pi nun fari mancari nenti a nuiatri, i cosi giusti!

Fortunato: ahh uora si ca ti sentu parari, degna du nomu ca porti! Con vuiatri ci stamu boni, n’addivittemo in passatu, quindi a cosa m’alletta assai! Subiutu, quannu, mu runi quacche iorno pi organizzarmi? Avvirri comu semu cumminati cu spisi, entrate!

Massimo: u viri ca quannu voi, i fai i cosi! Bravu u cugnatu, forza, ca n’addivittemu e mangiamu bonu! A vita iè un passaggiu, naaffari forza ie curaggiu!

Fortunatu; Eh, iè facili parrari ca vita di l’autri, senza sapiri, se possunu o menu! Ni tantumu unu ha dari cuntu di chiddu ca fa, picchì e nun picchi!Iè accussì e basta! Sugnu stancu, dopu tanti sacrifici ca fazzu, pi purtari avanti sta famigghia, passari pie pilucchiusu, can un voli spinniri i soddi! A mi casa sugnu iù sulu a travagghiari, iè aiu 3 figghi da mantiniri chi loro giuste isigenzi!Uora a sunata cangiau pi tutti e na vosi cangiari iù, ca eru abituatu diversamente, ca mancu vu putiti immaginari, eppuri fazzu buon viso a cattivo iocu! A crisi è crisi iè inutili girarici attornu!

Santa: Si ma comu c’arrivamu a soffriri accussi? Picchi tu vo fari sempri u passu chiu longu da to iamma e vulriri fari tanti cosi, senza putiriti permettiri! Bastava diri no a un po’ di cosi, inveci d’attruvarci senza mancu i soddi pi chiangiri!

Fortunato: ah, ava diri no? E se ti riceva no, pi soddi do parucchieri, no, pa moto dei carusi, no, pi fari chistu e d’autru, che mi risponnevi? Chiddu ca mi stai ricennu uora!  Avia ragioni tu, quannu mi ricevi ca ava fari u patri ed iessiri chiù severu e diri no! Ava fari macari u maritu, comu tutti l’autri e nun faritilla passari tutti! Iu u sapeva!Solu ca prima vosi evitari chiacchiri,picchì comunque vi putia accuntintari senza problemi e vi vulia viri sempre cuntenti!Ura arrivamu, anzi arrivai, basta! A risposta va rugnu sa va possu dari, annunca nenti, stemu a casa comu l’autri voti!

Vera:Nu ce bisognu d’alzari a vuci accussi! au ti viru persu u cugnatu! Nun ti sii mai parrari accussi!In effetti nu ti possu dari tortu! Ha statu un patri e maritu premuroso! Nun sapevu ca a reri a sta discussioni, tu t’ava fattu caricu di tutti sti problemi! Senti facemu accussi, ti prestamu noi i soddi e poi quannu poi ni torni cu calma!

Massimo: si si, certu nu ci su problemi, figurarsi tra noi parenti!

Fortunato: Scusati, u sapiti ca sugnu un pocu surdu, e nun mi n’accorgiu ca iettu vuci! Pi mia è tonu normali, nun sugnu siddiatu, rammaricatu macari si!No, vi ringraziu, ma i debiti si fanno pi cosi essenziali, comu mangiari, vistirisi, curarisi, ma non pi divertimentu! U sacciu ca u fati cu piaciri, ma mi facissi vilenu e u facissi fari macari all’autri! Du iorna, datimi du iorna e vi rugnu a risposta se putemu partiri con vuiatri!

Santa: u caffè iè prontu, almeno facemuci a vucca duci chi paste ca purtau me soru! u restu pinsamo dopu!

Fortunato: Si si megghiu iè, chiuramo parentisi, picchi tanto na persona nun sapi ca rispunniri a chiddu ca rissi! Mu dirà dopu, in separata sedi!

Massimo: vabbè, grazie pu cafè, amu turnari a casa e purtari fora u cani, ammaluzzu! Ni dispiace se abbiamo creato un po’ di tensioni, ca nostra offerta! Pensavamo ca putevati macari sta vota, senza problemi, e nun mettere zizzania in famigghia! Vi vireumu condurri sempri na vita spensierata, tranquilla, fari chistu fari l’autru, accattari macchine, motu, vistiti. Uora u capemu e si viri ca si stressato, e sicuramenti t’avissi fattu bonu staccari a spina dai problemi quotidiani, ma se nu poi, nun ti vulemu forzari.Ciao buona serata.

Fortunato: Cia buona sirata a voi, e scusati po’ sfogo, a volte mi capita, quannu sugnu davveru stancu e farò u possibili pi partiri con vuiatri! Si mi facissi bonu davveru, putennulu fari, senza sacrifici però! V’accumpagna Santa a porta, iù a curriri in bagno!

Santa: Si si in bagnu! A stura u sacciu iù ca iu a fari! Ni sintemu pi telefonu a soru! Macari iu mi stupi di sto sfogu! Nun l’ava sentutu mai prima d’ora parari accussi e chistu mi preoccupa! Ciao ciao!

Fortunato: Santa, ca si mangia a sta sira? Sta discussioni mi fici veneri fami! I carusi su fora o si degnano di mangiari ni sta albergo con nuatri?

Santa: Pasta squarata, nun c’è autru, u frigu iè biancu ca chiù biancu nun si po’! chiamali o telefonino! Cu sta fa cennu? Mi runi na manu se voi cenari presto? Chiama a to matri e viri se mangia macari idda con nuiatri o resta da to soru.

Fortunato. Certu u lavasti cu dash, comu putia addivintari? Anzi, cu stu lustru i luna, nautru pocu ni mangiamu solo a squarata, senza a pasta! I staiu chiamannu, virimu se si degnano d’arrispunniri, prima!-“pronto Pia che fai veni a cena o resti fora chi to amiche? Comu, ha torni tardu, u capii, ciao ca u Signuri ti benedica!- <Mha, fora una. Irremu l’autru- pronto Felici, che fai, veni a cena? No, mangiamu, hai a partita? Va beni, appoi nun lassari tuttu peri peri, comu fai o solito to! Sparecchia e ti lavi i piatti e paredde!”<fora nautru> Pronto franco unni si, viri ca ta portari fora u cani! Si iè ca ca mi talia e aspetta a tia! Che dici? Macari tu a partita du palluni? Quannu veni pi cangiariti, prima ti potti fora u cani e poi ti nni vai a iucari o palluni! Vistu ca tunnati isnieme tu e to frati, lassati tuttu pulitu, ca poi a mamma sa pigghia cu mia ca vi ho educati mali! Dice idda!> >L’ultima adesso, u pezzu forti> – prontu, mamma? Si che fai t’arricogghi o resti da? Ah, comu, mangi dà e tornu chiu taddu? Comi rici tu, va bene, non mangiari assai ca poi ti senti male!ciao ciao! –Santa, o Santa, i carusi nun ci su stasira, iè mancu mo matri, resta a mangiari da me soru, appoi accumpagnano chiu tardu.

 

A tavola

Santa: Semu combinati accussi mali, e ai ancora a voghhia di fari u spiritusu, chi to battuti da teatro? Ma picchi nu mi ricisti prima a situazione? Che cumparsa ci ficimu con me soru e me cugnato? O pi tutti pari addivintammu dei pezzenti, grazie a tia e a i ti cosi, ca spenni sempri soddi! Cettu pi tia i soddi s’attruvunu sempri! Macari u lottu ti mancava! Ora u capisciu, macari i giornali portano ca si rovinanu tanti famigghie co ioco, gratta e vinci, lottu e schifii vari.

Fortunato: iè sempri cu sta storia? Ora basta, u capemu ca ti fissasti accussi  e amara cu tu leva da testa. Ti chiami Santa pacienza, e uora pi favuri, porta pacienza e statti muta ca assentiri a televisioni. Stannu ricennu l’estrazioni del lotto.

Di fondo si sente la voce dell’estrazione del lotto.

Santa: Fortunato che hai, t’affugasti, che ti succiriu,?parra, parra, nun mi fari scantari! O mamma mia un coppu ci pigghiau. A cu chiamu adesso ca i carusi su fora. A me soru chiamu a idda e a fazzu veneri.

Fortunato: Noo, fermaaa, nun chiamari a nuddu! Shhh muta statti, nun ghittari vuci! Staiu bonu, bonu staiu, nun ti preoccupari. Anzi da questo momento n’amu preoccupari chiu nuddu di nenti. Santa, la nostra vita ritornerà a risplendere come prima e meglio di prima. Talia ca viri, la fortuna finalmente s’accurgiu di noi. In un colpo solo si è riscattata facennuci  vinciri migliaia di euro, che dico migliaia milioni! Santa, sta bolletta vale milioni di euro! Mi raccumannu nu diri a nessuno, finchè nun a vaiu a riscattari in banca, ni togliemu tutti i debiti e poi pian piano,senza dare nell’occhiu riprendiamo a vivereee. Viaggi, macchine, vestiti, tutto quel che desiderate. Vieni brindiamo noi due alla salute di tutti, Santa stuppamu quel prosecco che misi da pi grandi occasioni e chista i superau tutteee.

Crocifissa:Che fu che succiriu, pichi sti festeggiamenti a cussi taddu: Dumani nun cià ghiri o travagghiu?

Fortunato: NO mamma domani, non ci vaiu, anzi fra qualche iornu riavrai tutti i to soddi, che mi prestasti e macari qualcosa chiu assai.

Crocifissa: Ma picchi che succiriu ca mi torni i soddi? Vincisti o lotto?

Fortunato: Si e no, e che mi hanno comunicato che finalmente mi pagano degli arretrati dei diritti d’autore per le mie attività. Però pi mià è un giorno speciali, perché finalmente ho ottenuto quel che speravo da tempo.

Crocifissa: E quantu ti rununo, assai? Cetto pi festeggiari accussi.

Felice, Pia Franco: Papà, mamma che fu, come mai siti tutti arrusbigghiati a st’ura! Cu si sintiu mali? Ci fu u terremotu?

Fortunato: au quannu c’è ciuru di soddi, u sintiti tutti pari? A voi vi tunnau ru rispettu chiamandomi papà? Macari telepatici addivintastuvu. Va bene uora vu ricu. Finalmente da domani si cambia vita. Tu felici ti vai a fari u master dopu a laurea. Tu francu t’iscrivi unni voi tu, e tu Pia, macari tu ti pii fari un bello master po to travagghiu, mentre iu e a mamma partemu pi un bellu viaggiu e u fancukulu u travagghiu!!

 

Fine